Mere Kuch Sawal Hai Poetry By Zakir Khan | Hindi Poetry

By | January 19, 2018

Zakir Khan poetry : Mere Kuch Sawal Hai poem

mere kuch sawal hai

Mere Kuch sawal hai jo qayamat ke roj puchunga tumse

kyuki uss se pehle tumhari or meri baat ho sake iss layak nahi ho tum

main janna chahta hu kya raqib ke sath bhi chalte hue,

shaam ko yuhi bekhayali me uske sath bhi kya haat takra jata hai kya tumhara?

kya apni choti ungli se uska bhi haath tham liya karti ho tum?

kya waise hi jaise mera hath thama karti thi

kya bata di sari bachpan ki kahaniya tumne usko 

jaise mujko raat raat bhar baith kar sunai thi tumne?

kya tumne bataya usko ki tees ke aage ke aage ki hindi ki ginti nahi aati tumko?

wo jo saari tasveere tumhare papa ke sath, tumhari behen ke sath tumhari thi,

jinme tum muje badi pyari lag rahi ho,

kya use bhi dikha di tumne?

ye kuch sawal hai jo sirf qayamat ki raat puchunga tumse,

kyuki uss se pehle tumhari or meri baat ho jaye iss layak nahi ho tum.

ke main puchna chahta hu kya jab wo bhi ghar chodne aata hai tumko,

to kya seedhiyo par aankhein neeche kar meri hi tarah uske samne bhi maatha aage kar deti ho tum,

waise hi jaise mere samne kiya karti thi?

kya sard raaton mein band kamro mein wo bhi meri tarah,

tumhari nangi peeth par, apni ungliyo se harf dar harf khudka naam godta hai,

aur tum bhi akshar be akhsar pehchan ne ki koshish karti ho kya jaise tum mere sath kiya karti thi?

ye kuch sawal hai jo sirf qayamat ki roj puchunga tumse,

kyuki uss se pehle tumhari or meri baat ho jaye is layak nahi ho tum

special read – zakir khan shayari

 dagh dehlvi shayari

 

Leave a Reply

Your email address will not be published. Required fields are marked *